ياعشق هالدنيا ابيك

يأجمل اوصاف الغزل

تعال حط ايدي ب يديك

تبقى ومن يرحل رحل

ابيع غيرك واشتريك

وماهمني منهو زعل

في وسط عيني ماعليك

تجلس ولا لغيرك محل

مافيه بقلبي لك شريك

في وقتي الحالي وقبل

ياورد داخل وجنتيك

ياعيون رويانه خجل

امر وما تطلب يجيك

ومن قبل لا ترمش وصل

انت الذي اموت فيك

والشوق بأحساسي ثمل

لا غبت روحي تحتريك

ضايق اموت من الملل

لا صارت ايدي بين إيديك

حنان قلبي يكتمل