انا حبيتها عقبك وش اللي ذكرك فيها

 ندمت وجيت تترجى ترد لك لا ولا تحلم

وفجأه جيت تتأسف تحن تشتاق ماضيها

تبي تظلمها من ثاني وقلبك قاسي واظلم

معاي تحس بالراحه وتنسى كل مآسيها

لقت في حبنا فرحه تبيها ترد تتألم

اشوفك منقهر مني عشان اني احاتيها

بعيده عنك تتهنى ترى بعدك لها اسلم

بغيضك شوفها جنبي وفيها اللي مكفيها

وصاير طيب وتسأل بديت تحس تتعلم

بديت تعرف قيمتها وجيت الحين توفيها

وخذها كلمة واحفظها لغيرك اصبحت وافهم