ياليت ما خلوني في كوني ضايع وحالي حال

أبكي وتهل عيوني محزوني وتبدلت الأحوال

بفرقاك أظلم كوني عزوني وصدري حمول أثقال

أفضيت أنا مكنوني بالهوني موتك سبب الأعلالِ

ماانلام لو لاموني مكنوني صبره يهد أجبال

لك الغلا مضموني مصيوني لو فرقت الآجال

والقلب لك مرهوني وشجوني وذكرك يريح البال

والناس ما يدروني بشجوني وان العناء بي طالِ

بالضحكة يشوفوني ظنوني سالي مريح البال

والهم بي مسجوني وعيوني جاري الدمع سال

يا ربي كُن في عوني كُن عوني وحقق لي الآمال

ياليت ما خلوني في كوني ضايع وحالي حال