يجيني طيفك يعدل مزاجي

وأنا طبعي مثل طبعك مزاجي

إذا أصحى ولا ألقاك عندي

يهيم الشوق ويكدر مزاجي

أشوف الدار كالأطلال بعدك

وأنا ما أحتمل هجرك وبعدك

يا نور الشمس ما بين السحاب

يزيد الشوق في حضورك وبعدك

تذاكرت الفرح في عهد ماضي

مضى والبعد مثل السيف ماضي

ظروف الوقت والأيام حالة

مضيت بظرف وانت بظرف ماضي

زماني سيفه الماضي يحده

وأنا صبري نفذ واجتاز حده

فراق الزين أدماها جروحي

جموح الشوق خفاقي يحده