يا شوق قلبٍ يشيل الحب وشـــــلونه

عســاه بعده على علمي ويطرينـــي

خايف تكون الليالي شـــدت ضعــونه

واقفى ولا عاد يذكر ماضي ســنيني

معضد

تسأل عن الحب وانت الحب وشـجونه

تدري غرامك ســكن داخل شـراييني

قطـرات دمـي بطعم الحــب مشـحونه

ان قلت بســكت عزايمهــا تنادينــي

ألحان

يا شــوق ياللي بنيت أبيـات موزونه

بنشدك عن ثقل حبي في الموازينــي

ما يكفي اني حبيـب وقلبــك يصـونه

ودي تعبــر عن حــدود الغــلا فينــي

معضد

والله يا مـن يحــط الكحـــل بعيــونه

ما شافت حدود حبك في الغلا عيني

لاجلك شـــمولية الاوزان مطعــــــونه

منها تســيل البحـــور ولا تكفينـــي

ألحان

والله انا ادري بقلبك يعزف فنــــونه

وأدري على اوتار دقاته تغنينـــــي

لكن طبيعة دلال بطبــع مزيـــــــونه

اعرف جوابك واقول اشــكثر تغليني

معضد

يا زين تامر وانا باقــول لك عــونه

لما عنادي عصــاك ايطاوعك لينــي

واعرف ترى كلمة الاحرار مضمــونه

لكن وش اللي ضمن عهد المزايينــي