لا هــان شيـخ بشـت عـزه قـيـاسه  

صـفـوة رجــالٍ نــادره فـي زمـنهـا

طحنون ابن زايد من الطيب ساسه  

والساس يفرق في الرجال وثمنهـا

هـذا سليـل المـجد لا هـان راســــه  

مـن قــومٍ التاريــخ ينبـيـك عـنـهــا

نسـل الفلاحـي.. من فلاحـه وياسه  

شيـوخ تامـر فـي الجزيـره وتنهـى

طحنون ذخـر ومـن دهـاة السياسه  

كـم من كبـودٍ للأعــادي طحنـهـــــا

صمـام أمـن ومستشـار الريـاســـه  

واخـو محمـد.. لـى يطفـي فـتـنهــا

واذا بغـيت الطيـب قــدّم دراســـه  

في جامعة طحنون تفهمْه منهــا

شف كيف يتواضع لأهله وناســــه  

شوف الرجـال اللي تقــدّر وطنهـــا

في ذمـتي مـا للقصـايــد حـمـاســه  

وحتـى الأغـانـي ما تـحرّك شجنهـا

إلا لشيــخٍ بشــت عـــزه قـيــاســـه  

شرواك يا طحـنون واسمـع لحنه