كل يوم أعيش في حبٍ جديد

حب سامي في صفاته وفي طباعه

حب يجري من وريد الى وريد

ثم يتزايد جري في كل ساعه

في خفوقي له قصر فخم وفريد

صار يفند باتساعه وارتفاعه

وكل ما مرت سنه يكبر يزيد

لين ما عّم الزوايا باتساعه

حب ما يفنى وفي القلب الوحيد

اعترف به عن يقين وعن قناعه

قلتها للناس هو الحب الاكيد

ذاك صدق ولا حشا ماهي إشاعه

عشت يا حبي عسى عمرك مديد

يا سنا نورٍ ملا الدنيا شعاعه

ما حلا ناره وسط صدري تقيد

كنّها تنوي لخفّاقي انتزاعه

انا قـرم وفي قناعاتي عنيد

وانا عاشق واتحلّى بالشجاعه

يستحق ان قلت انا الحب المجيد

يستحق ان قلت له سمعٍ وطاعه

كل يوم اشوف به شيٍّ جديد

نور متجلّي وانا احب إتباعه