علمتـــني الليالي بعدك انته يا غالــــــي

أمشي بين البرايـــــا و أشعر إني لحالـي

نزلت دمع عيني كرهتني سنــــــــينــي

بعد ما رحت عني و إنكسر شي فـــــيني

ذاق قلبي الندامى طار لك من هيامـــــه

شفت وشلون حبك خلى قلبي حمامـــه

بس حمامه تحبك إلا ماتت بحــبــــــــــك

مثل صاحبها يا إللي ما يبي غيــر قربـــك

لو غلط قلبي نوبة ما يكررهـــــا توبـــــــة

قلبي بعدك تعلم وش هـو معنى الصعوبة

قلبي يا إللي بصدري صار يشهد و يدري

إن درس إبتعادك أصـــعــب دروس عمري