آمر تدلل على قلب وليت أمره

لك يا مودي ألبّي بكل وجداني

يا زرع ودي ويا ظله ويا ثمره

أثمر بها غصن قلبي وسط بستاني

ظهر لآليك وأطفي لاهب الجمره

بسمتك يجري بها دمي بشرياني

قمت أغمر بنظرتك غمرة ورا غمرة

خدرتني يالغلا والحب سلطاني

سحب العواطف على محياك منهمرة

يسري بها بارق الخديني زفّاني

خد بياضه عجيب مشرب بحمرة

من مشرق الشمس والمغرب له ألواني

لك كشح مهضوم أهيف يا حلا ضمره

عود غضيض الصبا مليان روياني

شوفتك تسعد متيم لك هدا عمره

يا أول ما خلق له يالغلا ثاني