شوفك صراحه يسعد الروح

واسعد حياتي يوم لقياك

حتى العتب من بالي يروح

ساعة اشوفك والتقي اوياك

طيبك عطر وانفاسه تفوح

ماريت يالمزيون شرواك

حبك بقلبي امشيد صروح

ياليت تدري كيف مغلاك

اجرح وزيد الخافق جروح

دامك تمنيته وتمناك

كنك معي من وين ماروح

من وين الد بعيني القاك

امحبتك بهجه ومربوح

تسوى العمر وقول يفداك

عليك اردد ساجع النوح

أن مر بي ذكرك وطرواك

كل المشاعر لاجلك اتبوح

احساسها والشوق ناداك

انته الغلا والقلب والروح

ترد روحي يوم لقياك