تولهت انا لصوتك ولا منك ياني صوت

اعاتبك ولا اعاتب الخط وارسالي

ترا من سمع صوتك غدا حظه المبخوت

واللي ماسمع صوتك عنه السعد مالي

احبك تكلم و البقايا اتم سكوت

كلامك ثمين و منطقه يشرح البالي

يغيظ الشموت اللي بفعل خرب بيوت

جزور الجفا متقلب اللون حيالي

ترى يلبسون بشوت ناسن ضعاف بخوت

ماكل في وقت الملازيم رجالي

ارى الوقت يمضي و الليالي علينا تفوت

و حسافة على ايامٍ يمرن على الخالي