يكفي وجودك يا حبيبي عن الناس

والناس ما تكفي ابد عن وجودك

يكفيني انك مالكن عرش الإحساس

وإن الورود إلي فقلبي ورودك

غادرت لكن ألاحاسيس حراس

تحرسك في غيبي ولاحدن يرودك

وإن جارت صروف المقادير لا بأس

أدري بأنك وافين في وعودك

لكن بيبقى غصن الأشواق مياس

على فرات الحب يقهر حسودك

يا هاجسن يدخل على كل هوجاس

وأغلب مطاليع الشعر من خدودك

يا ريم لك في روضة الحب مكناس

عايش أميرن والمحبة تسودك

والسر عودك مع هوى كل نسناس

أكيد نسناس الهوى حب عودك

والورد الي عايش على برد الأنفاس

غطى ولا غطى جواهر عقودك

حسنك حبيبي صعب يوصف وينقاس

تبغي الصراحة زاد بالزين زودك