يا صاحبي ابا أسألك وش هو الغرام 

خلك من اللي نسمعه عطني دليل

هل هو مشاعر صادقة ولا كلام

ولا تحسّه في زمنّا مستحيل  

معنى الغرام :  إنك تلاقي الإهتمام

من شخص قلبه وافي و طبعه أصيل 

و ان الحبيب ان كان في صدره ملام 

يْصارحك  ما يرحل  يْدوّر  بديل 

بعض الغلا مثل الشتا يؤذي العظام 

لكن نحبه وما لنا عنه سبيل 

قاسي على العشاق جداً فالخصام 

بس بالتفاهم و الوصل يصبح جميل 

هذي تفاصيل و متاهات الهيام 

مهما يطول الفَرْح به حزنٍ قليل 

لو ما نعيشه نور و نعيشه ظلام 

ما كان حسينا  بْتلاقي و لا رحيل