يارب أنا راضي المقسوم

‏صابر ولو طاحت العبره

‏متأمل الجاي فيه غيوم

‏عبدك فلا ينتهي صبره

‏الكسر فيني لو إمية يوم

‏من أمرك بثانيه / جبره

وبأمرك تراني قوي عزوم

يمرني الياس واعبره

والحظ لو هو معي معدوم

ماقلت من قلت الدبره

‏أطيح وأرجع وأرد اقوم

‏يكفيني أخذت لي خبره

ومن طعنت الخنجر المسموم

قويت وعزومنا جبره

واللي فدربي يرش سموم

ماهو بهمي ولا اعتبره

وقلبي لو انه غدا محروم

صامل ليا جيت بختبره

ان عاش فعله عليه وسوم

وان مات ماله سوى قبره

وان غاب لاتكثرون اللوم

خلوه ينزف لكم حبره

‏السيل لاابطى وراه علوم

‏إبطاية السيل من كبره