يا شايف نفسك على الناس هونك

الله الكبير وباقي الناس من دون

غرتك نفسك وانت نفسك تخونك

ماكن غيرك من البشر صار مزيون

ارخصت شخص يرخص الروح دونك

صديت عنه وصدتك ماهي بهون

ياما عيوني لك سرن يسهرونك

ياما خفوقي لك سرا بشوقه مشحون

وخليتني وطاوعت اللي يعذلونك

والحب بعته بيع ياللي يبيعون

والحين جيت تقول مااصبر بدونك

الحين ماتنفعك دمعات العيون

غلطان والله عاد خابت ظنونك

مانتبع اللي عن هوانا يصدون

خل الغرور وصدتك ينفعونك

لي صد مره عنا نصده مليون