خَل الكلام , وعطني أفـعال لاهنت

أغلَب جروحي .. من براءَة ظنوني

لـ تْقول أغلى إنسان في دنيتي إنتْ

واجد قبل قالوها لي , وإخذلوني 

يا كثر من خانوا المحبه , ولا خنت

ويا كثر من عالجتهم , وإطعنوني

من كثر خذلاني ؟ تمنّيت ما كنت 

طيّب ، مـع أشخاص .. ما قدّروني 

من قبل لا تسمع من القلب هوّنت

حاول تحدّد موقفك , في عيوني

إختار لك , بين الخيارات لا هنت 

إما تجي ( كلّك ) أو إتعيش دوني

شانت علي أيّام ، لكنّي ما شنت

راسي يطالع للسما وطاب لوني

لو حاولوا كسري تراني تحصّنت

شامخ بفضل اللـــه ، ما يكسرون