لا تعتبرها منه انته خسرت الجنه

والضيم بكره تشوفه وتبقى بجحيم الونه

لاتحجي عند العالم وتقول عني ظالم

كلٌن يبرّي نفسه بالنيه ربي العالم

محبتي لو ناسيها لآزم اذكرك فيها

وتذكر زمانك قبلي من بعدها خلّيها

جرحك خذيته جرعه  من عيني طاحت دمعه

طاح الغلا وياها من طاح ماله رجعه

عالراس شلتك تاجي وانته السبب في احراجي

والكل خسر في هالحب من فينا قلبه ناجي

شلون تبغى انصحك من كبر جرحك اضحك

جرحك خذاني للموت الله يخفف جرحك

افهمها مني واسمع اللي انكسر مايرجع

خلاص أنسى كل شي لا تعتذر ما ينفع

وش فايدة دمعاتك كثرة معي غلطاتك

والله دموع عيونك ماتمحي كل زلاتك

من باعني فالماضي وكان افراقي راضي

لا يلومني لو بعته فالحب ماني قاضي