لو تفارق تبقى انت جرح في صدري وشم

كل ليله قبل اغمض اذكر ان جرحك كبير

شفني ميت وانت عايش في جروحي تبتسم

ما حرمني من ضحكتي غير اللي كنت اشوفه غير

تدري انك في شروع العشق قاتل متهم

قتلت قلب شافك الأول في نبضه والأخير

شقد يوجع الوفي من ايد خاين ينرجم

شقد يوجع ينصلب ويصير لقمه لكل طير

كنت أهم انسان عندي ... الكبير اللي احبه

كنت أهم انسان عندي وصرت عندك مو مهم

الكبير اللي احبه صار في عيني صغير

كنت أمشي في سرابك واكتشفت انك وهم

ليه من يوفي يعاني ليه اشباهك كثير

شلتك لسابع سما والجزاء جرح والم

ما توقعت الخيانة منك انت هي تصير

منصدم لأني أحبك اي وربي منصدم

حانت اللحظه وداعا حان تحديد المصير