قصتي ويّاك سبقت مولدي 

وقصتك ويّاي بدأت من قرون 

وذاك بيد الله ترى ما هو بيدي 

يقول كون وللذي يبغي يكون 

لا تظن انّه هوانا المبتدي 

ولا تقول اللي مثلنا ينتهون 

حبنا خالد مخلَّد سرمدي 

غير ما كل الحواسد يشتهون 

ابتسم ارجوك روحي تفتدي 

بسمتك لي في الشفاه وفي العيون 

انت اميري ومالكنّي ومرشدي 

ما يهمّك من عواذل يحسدون 

في الحنايا مسكنك يالاجودي 

والحنايا تطلب الخل الحنون 

حبنا رغم الزمــان اللي ردي 

ثابتٍ لا حزن فيه ولا شجون 

يذكرونه امس واليوم وغَدي 

فيه روّاد المحبه يحلمون 

يا محبّي كل عاشق يقتدي 

بك وحظ اللي بحبك يقتدون 

لك يا ساس الحب والقلب الندي 

لي يعرفونك عقلهم يرفعون 

سيّد العشّاق انته وسيّدي 

وكل ما تبغيه يا عـمري يهون