تشرق الشمس وتغيب

ويقسى قريب وينسى قريب

وفي اغلب الاوقات نعرف

بعد ما يفوت الأوان

ما خاب ظن إّلا ف قريب

تصدق ظنون وتخيب

ويهجر حبيب ويغدر حبيب

ومره من المرات يصدف

في غفلة من طبع الزمان

يصدق ويوفي حبيب

تشرق الشمس وتغيب

لي قلب خلى عيني مِزْنه تمطر عذاباته دليل

ان المخّلد وسط سجنه من ينتظر رد الجميل

لي قلب دقاته غدت عل وعسى

يحيا على بعض الامل في المستحيل

هي قِوته تكمن في وهنه

لو يجمعوا مافي القصايد من أسى

وكل الاغاني من الأزل عن الرحيل

ماعبرت عن بعض حزنه

سامح خطايا من طغى وجار وقسى

وابحر به لشط الجل واشعل فتيل

احرق مجاديفه وسُفنه

ياقلب أتعبني صمودك

بالله قلي !! انت قلبي

او قلب من خانوا عهودك

وقلي من فينا اللي مخطي ؟؟

وقلي من فينا المصيب

يهجر حبيب ويغدر حبيب

ومره من المرات يصدف

في غفلة من طبع الزمان

يصدق ويوفي حبيب

وتشرق الشمس وتغيب

يا قلبي المخدوع يكفي

قل وش تبي أمرك غريب

اللي تحبه عنك مقفي

وما سأل عنك وتجيب

من ينتظر من غدر ومضه من وفا

ومن ظلم لحظة من عدلك المستجير

بيموت من آلام جرحه

ومن ما عرف من دنيته الا الجفا

وشلون يقدر يستدل كيف المسير

واي درب يوصل يم فرحه

ومن هو بنى بالوهم صرحه في الخفا

لو بان صرحه معتدل يبقى المصير

الهدم لاوهامه وصرحه

ياقلب أتعبني صمودك

بالله قلي !! انت قلبي

او قلب من خانوا عهودك

وقلي من فينا اللي مخطي ؟؟

وقلي من فينا المصيب

يهجر حبيب ويغدر حبيب

ومره من المرات يصدف

في غفلة من طبع الزمان

يصدق ويوفي حبيب

تشرق الشمس وتغيب