مشتاق لك شوقي بحر رحمتك عوّد لي

حن وتعطّف واستقر بين الكبر والتيّه

خذ ماتبي يا معذّبي بس لا اتصدّد لي

ارضيك تزعل ازعلك ترضى علي وليّه

بين الحنايا موقعك واشواقي تشهد لي

اجيك والمنّه علي واقول لك لبّيه

يا سيدي عفوك وانا ما فيني يشفع لي

تصيب تخطي عاذرك ما سألك كيف وليه

لمّي توّجه يا بعد كل من توجّه لي

عاتب عتاب احباب سو اللي تبي سوّيه

شرهتك عاللّي في طواري الليل متسلّي

لا هو بقادر يملك لا انت اللذي مخلّيه

مير الشره منّك تراه انجاز يحسب لي

كود اني متصدّر على خافقك ومن يعليه

لو التمنّي فادني لو كان يحصل لي

امتيمك ما تركك والبعد ما ينويه