ودعوني وشدوا  و المفارق مصيبه 

واتركوني لحالي بين  هم وشــقاوي 

واعذاب اللي مثلي  راح عنه حبيبه 

بلــــوته ياكبرها  هذه أم البــلاوي  

قلبي داخ و توجع  أزهموا لي طبيبه 

اللي بيده جرحني وبيده يقدر يداوي 

وين وجه و أقفى  لو أبوقه و أجيــبه 

من يلوم المولع لو على البوق ناوي 

دمعتي فوق خدي و الليالي  كئيبه 

ساهرً بس اهوجس كني واحد مخاوي 

موتتي من فراقه جايز انها  قريبه 

الوصيه ادفنوني واكتبوا مات  هاوي