الزين يكمل..واللي ماشافك يشوف كيف الحلا يكمل في بنت ٍ وافـيـة يللي ابتساماتك و روعة هالوصوف في سحْرهم شيّ ٍ يـجيـب العافيـة

قـولي لِمن شـافِـك وشَبّـه بـالـنـظـر إنَّ اللي ع الأرض إنتِ..ماطاح القمر !! وِلاّ إضحكي وْخَلّي الخدود مْن السِفَر توصِف لهم شكـل السماء الصافـيـة ...يا إنتي يا وَجه ٍ يجيب العافية... ——- تدرين إنّ مـْرايـتِـك تحسبـْك نور وإذا إنعكستي فيها خالجها شعور ومْن الفَخَر معذورة يملاها الغرور قـدّامها اللي عن سواها كـافـيـة ...يا إنتي يا وجه ٍيجيب العافية... ——- سبحان من ميّز يا مريم هالجمال بآيات من رقة وخجل طيبة ودلال وأعطاكِ فوق الزين و روعة هالخصال روح ٍ مثِل شمس الصباح الدافية ...يا إنتي يا وجه ٍيجيب العافية.. ——- دمتي يا مريم..شوق خالد والحنين خالد هذاك الوافي الذرب الـرّزيـن ذاك اللي تـتـجمّل به الأشعار ليـن تـسمـو بسحـْر أوزانـها و القـافـيـة ...يا إنتي يا وجه ٍيجيب العافية...