لقِصايد إنت نثر وقافيتها 

وإنت للشاعِر أحاسيسه وبوحه

سولفتك الرّوح وإنت سالفتها

وأنا أوَّل شخص يسمع صوت روحه

الأماني إنت أوّل أُمنيتها

وإنت أوَّل وآخر الحب وطموحه

يا عصافير المحبّه وإغنِيتْها

وسط روض القلب يا مغنّي بدوحه 

إنت دنيا للمحبّه وعاصمتها

يا غرامٍ زاد في قلبي صروحه

وفِي غلاك النّاس مدري شْـ مشكلتها

ماعلينا وكل شخص يعرف روحه

إنت لك قلبي وروحي مِهدياها

يا دوى قلبي ويا مشفي جروحه

دنيتي إنت ضياها وإبْرِكتها

إنت يا فجر الغرام ويا وضوحه

القِصايد قبل حبّك عايفتها

وعقب حبّك كل يوم أرسِمك لوحه

هات أحاسيسك وقلبي ممْلِكتها

وعيش في قلبي وبدِّد منه نوحه

وعن غرام الغير روحي حاشمتها

وشوف قلبي كيف مبعد في نزوحه

ولك أصـــايل إنت دنيا وخاتِمتها

إنت روح ومن يعيش بدون روحه؟