ياللي غرامك هـزني بين الاضلاع

توبه إذاشـقفيت فرقاك..تـوبـه

اللـه وهبك اوصاف واخلاق واطباع

تسبي شماليّ الخفوق و جنـوبه

نهيـت قلبي عـن وصالك ولاطاع

غلاك تهمه والـمفارق عـقـوبه

وْفي كل مصياف و في كل مرباع

و في كل وقـت و كل لحظه و نوبه

مـن حقـي اطمع فيك و اصير طمّاع

لو دون وصلك ياحبيـبي صعوبـه

صحيـح من ينهـل مـن الشوق يلتاع

يشرب ولايقطـع ضمـاه بْشروبه

الهـجـر بدعه عاطـفيه و الابداع

وصلك في ليل يبتسم لي غروبه

والورد ينبت يوم تمشي علـى القاع

والصبح أنفاسك تعـطـر هبوبه