ياليل عجّل مدامك مظلم وغابر 

غابت نجومك ولابك للونس قمرا 

أضحك وأسولف وأداري الحزن وأكابر

لو أنّ حزني بعيني واضح ويقرى 

دورات الايام عاده والكسر جابر 

والجرح يبرى اذا الله راد له يبرى 

ماشافه العبد قسّمه وأدري وخابر

بس الحزن شيّ لا يقرع ولا يدّرى 

وش فايدة صبرك الي راح يا صابر

دام القدر ماترده كثرة الحذرى 

ليتك كما حلم ليل ٍ مرني عابر 

او ليت طب الجروح الموجعه يشرى

من عقب ليل المعاتب دمع ومثابر

روّح لو ان لك بقلبي مسكن ومجرى

يكفيني أني بحبي داري وخابر 

وألا أنت يكفيك عني طاري الذكرى