ابي شـورك دخيـل الله يابو خـالد

ترى هالدنيـا ضاقت بي وأنا مليت

بـلاني حب من خلاّ الفكـر شـارد

زعـل مني وإذا ما رد لي جنـيت

على هونك وقول وش فيك يا راشـد

عيوني لك وعنك عيـوني مارديت

صديقـك عـدِني أو حسـبت الوالـد

من اللي صـد عنك وأنت ما صديت

أنا حـبيتـه والله عـالم وشـاهد

ويمكن دون ما اقصد عليه اخطيت

تعـذرت وتعبت اقـول مو قاصـد

ولا عبّرني ما تسوى علي حبـيت

إذا اخـطـيت اكـيد الخطـأ وارد

وإذا صـدك لأنه يحبـك وزلـيت

هي فـتره ومهمـا يروح ويباعـد

بيرجع مثل ما يرجع حمـام البيت

يا شين الوقت من دونه وأنا قاعد

ذبحني الشوق له من كثر ماحنيت

أنا الغلطـان وما انكـر ولا اعاند

واظـن يكفيهم إني بغلطتي حسيت

تزاعلتـو ولو كان الزعـل كـاي

يظل ملح الهوى ويّـا الذي اغليت

بدونه تشعـر ان الحب شي بـارد

وش احلى من الزعل لو بعده تراضيت