روحي عالفراق مغصوبه

ماودها تبعد عن بابه

لكن الاقدار مكتوبه

ليتني ابدل الكتابه

ومنهم النفس منهوبه

ليتني غديت نهابه

اسرح واضوي صوبه

صاحبي بوعين جذابه

يامحلى رقة اسلوبه

وقلبي الميروح باسبابه

هو مقصدي ومطلوبه

والنفس الهم دوم طلابه

لو يبتعد وتبعد ادروبه

بتم روحي فيه مسطابه

ميت في حب محبوبه

وين ما رحت اهذابه

وش حيلتي يوم ساروبه

كني صبي ودع اقرابه

حالتي حاله منكوبه

والمشاعر فيه غلابه

ليت قلبي يحسوبه

ويرفق بحال طلابه

ياليتني الوي عثوبه

واشم عطري ف ثيابه

هذا حالي من يثوبه!

حال من فارج احبابه