ونيت ونه من ندامه وونيت

أبكي زمان مر ما فيه ونيت

أمشي بصحه والطرب والنواميس

وان لذ لي رايح خلي فيه ونيت

ونيت من عوق دعا الحال مبراي

عوق تسطى في الحشا هوب مبراي

يازين من ربك مسامح ومبراي

لى عاد وصلك ينفع الحي والميت

الميت يستنفع اذا ييت حوله

حتى المريض يصح لو حال حوله

شوفك شفا م البعد لو طفت حوله

يصحى ولو مد النظر عنه مریت

مريت مطمش وصُوبت باعيان

لا بالسحر يرمي ولا هوب عيان

فزيت من شفته وعاينت الاعيان

نهار ما مريت في رايح البيت

البيت متفلج ومصكوك بابه

لا ريت قفل له ولا ريت بابه

يا غير في راس الرقم ريت بابه

دانة عشر حبات في الراس لي ريت

ريت الغضى واقف ووقف هوايه

وطمعت من شوفه ووقف هوايه

هذاك من زد الخلايق هوايه

ليته يزاورني على الحول ياليت

ياليت خلق الله تشوف الذي شفت

لا في العرب مثله ولا في المها شفت

سبحان من صاغه صياغه فلا شفت

مربوع في الغايه على ما تمنيت

متمنينه فوق عوي العراجيب

عقب الحكر يصبح بروس العراجيب

مدماي ساقه وجدمه والعراجيب

والا الخصر بقياس فترين حطيت

حطيت راسي خاضع له وبایس

متذلل له دون غيره وبایس

ما تشوف حالي منتكر ثم بايس

وعقب العوافي وانظروا كيف تميت

تميت اخاجي من وداده وحيدي

أبغيه من زد الخلايج وحيدي

ليته يطاوع في وداده وحيدي

والا أن عصی محبوب الفواد وليت