قال لي ان كان تبغينا

في شهر سبعه بتلقانا

في جنيف مقيظ أهالينا

ع البحيرة دوم ممشانا

في فضى ذيج البلادينا

وين يحلا الحب يفلانا

العشب دوسة خطاوينا

والمطر بالنّف غطانا

ع الوعد نبغيك تلفينا

لاتخلف وعودك ويانا

ف النهار أتحمل اتيينا

ومرحبا لي حل ممسانا

اول اتلفت حوالينا

عن حسود ٍ يتبع خطانا

او عواذل او مواشينا

وبأذى الرمسات تبلانا

قلت انا ياكامل الزينا

يابدر يانور دنيانا

من كلامك لاتخلّينا

ولاخلت من شوفك أعيانا

لو طلبتو يالمحبينا

فوق بالمريخ لقيانا

امركم ع الرأس والعينا

خاضعين بشورك ترانا

ننتظر ميعادك سنينا

ومرحبا بالوعد لي حانا

اولهت ع ايديكم أيدينا

والسعادة يوم لقيانا

قال لي ان كان تبغينا

في شهر سبعه بتلقانا

في جنيف مقيظ أهالينا

ع البحيرة دوم ممشانا