كمّامتك خلّت عيونك أجمل

ولاّ عيونك زانت الكمّامه

لو تسرح أعيانك وهي تتأمل

وصدفه التقت حرٍ مَلكت زمامه

في وجهك الخافي سكونك يذهل

وأهدابك تمد الشعر بإلهامه

الله عطاك امن الجمال وكمّل

ومن الحياء ترفع عربك الهامه

نسلك كأنه ياغزال مفصّل

خاله مطير وشمّرٍ أعمامه

خذني وقارك يوم شفتك مجبل

وانسّل فكري شاردٍ بهيامه

لا مبطيٍ تمشي ولا متعجّل

مشيَت أميرٍ والحرس قدامه

صوّبت قلبي وصبتني في مقتل

قلبٍ قبل شوفك يعيش احلامه

عينك بها سحرٍ تقول وتفعل

ورمشك تمادت بالقتال سهامه

كنه من أخيار السيوف منزّل

ان صاب له كافر شهد بإسلامه

ليت الزمان اللي حضر بك طوّل

ولاّ العمر ترجع بنا أيامه

ماني من اللي يا ملاك اتغزّل

ومالك بحاجه للغزل وأعلامه

لكن لي في حسنكم يتحمّل

لو ما كشف زينه وحّل لثامه

خطيت لك حرفي وقلت تفضّل

واللي على قدرك لزوم إكرامه

بأبياتنا ياذا الظبي ما ننزل

فوق الثريا مطلعه وختامه

لو نذكرك بأشعارنا لا تزعل

مادام زنت بعينك الكمامه

كمّامتك خلّت عيونك أجمل

ولاّ عيونك زانت الكمّامه

لو تسرح أعيانك وهي تتأمل

وصدفه التقت حرٍ مَلكت زمامه

في وجهك الخافي سكونك يذهل

وأهدابك تمد الشعر بإلهامه

الله عطاك امن الجمال وكمّل

ومن الحياء ترفع عربك الهامه

نسلك كأنه ياغزال مفصّل

خاله مطير وشمّرٍ أعمامه

خذني وقارك يوم شفتك مجبل

وانسّل فكري شاردٍ بهيامه

لا مبطيٍ تمشي ولا متعجّل

مشيَت أميرٍ والحرس قدامه

صوّبت قلبي وصبتني في مقتل

قلبٍ قبل شوفك يعيش احلامه

عينك بها سحرٍ تقول وتفعل

ورمشك تمادت بالقتال سهامه

كنه من أخيار السيوف منزّل

ان صاب له كافر شهد بإسلامه

ليت الزمان اللي حضر بك طوّل

ولاّ العمر ترجع بنا أيامه

ماني من اللي يا ملاك اتغزّل

ومالك بحاجه للغزل وأعلامه

لكن لي في حسنكم يتحمّل

لو ما كشف زينه وحّل لثامه

خطيت لك حرفي وقلت تفضّل

واللي على قدرك لزوم إكرامه

بأبياتنا ياذا الظبي ما ننزل

فوق الثريا مطلعه وختامه

لو نذكرك بأشعارنا لا تزعل

مادام زنت بعينك الكمامه