ساهرن والدمع همالي

لين فجري بانت انواره

الغضي لي ما رحم حالي

شد عني وانقطعت اخباره

من عقب حلوات الليالي

لي طوينا فيها اسراره

روح وخلاني ع امالي

كيف با يسلى عن دياره

كيف هان وارخص الغالي

كيف قلبي قطع اوتاره

قوتي و يومي ما يهنالي

والجسد يشكي من اضراره

دوم الاول شابك ارسالي

ولادريت اليوم عن داره

المحبه تتلف الحالي

ان قفت عن دارك امطاره

تصفق الكفين بالخالي

وقلبك اللي تشتعل ناره

كان في داره هو الغالي

وغاب عنها و قل مقداره

ولو يطرش الف مرسالي

مول مابنقبل اعذاره