العين ولهه وقلبي مثلها واله

 وانته غيابك يخلي العين تتوله

 الهاتف ابطى ولا يشبك برساله

 مرت ثواني يمر الصبر وتمله 

في عالم القلب حبك عايش لحاله

 ماشاركك غير نبض القلب ياخله

 ياحظ من هالدقيقه جالس قباله 

لحظة قبالك تساوي عالمي كله

 مشتاق عطرك ودهن العود وطلاله

 يضحك له الخاطر المشتاق وتفله 

مشتاق وجهك ولحظة صدق وخياله 

مشتاقلك موت م الاخر ومتوله

 لاتترك القلب صبره ذابح حاله

 اما تزاوره ولا عندك تشله

 الحب دونك بقلبي ماله ولاله 

ولاهمني الحب لاكثره ولا قله