ما عنه صدود وصل الزين ما عنه

لو كان قاسي وقلبي مرتجي عطفه

رموشه سيوف موت جات مستنه

منها عروقي ورا الاضلاع منشطفة

يا ناوي تخطف القلب اش تبي منه

تراه بيموت لو حاولت في خطفه

القلب مثل الزهرلازم تعرف انه

يموت في كف قطافه بعد قطفه

إلطف ترى في كتاب الله والسنه

من تاب يكسيه رب البيت من لطفه

والكبر صاحبه ماهو يدخل الجنه

كيف يتكبر وهو مخلوق من نطفه

سكنت في خافقي والله له المنه

قم ولع الشوق في الخفاق والا اطفه