يا حياتي كم بشكيلك عن تعب روحي من اسبابك

خلني يالغالي ادخيلك سالم من ضرب نشابك

ريح قلبي من تعليلك دارني شروات مدرالك

يا حبيبي مقدر اجفي لك لن وسط القلب منزالك 

مالكني بزينك وطيبك والفرح وبشة اقبالك

ان سهت عيني اهاذي بك دوم يالمظنون تهذا بك

لو تعذبني اراعيلك بالوفا والود برعالك

فرحتي شمت مياديلك والعطر شمه من ثيابك

يوم ما تعنيلي اعنيلك ونظري دايم على بابك

ليتني مصدر مراسيلك سيدي من زد قرابك

اه من وردات جنديلك يا بخت منهو تليابك

كل حال ومال بفديلك يا عديل الروح يفدالك

مرخص الغالي وبشريلك والعمر ماريده ابدالك